“Təbii ki, Tarif Şurasının müvafiq qərarından sonra qazın, işığın və isti suyun qiymətlərinin bahalaşmasının məktəblərə də təsiri olacaq”.
Modern.az-ın xəbərinə görə, bunu Bakı Şəhəri üzrə Təhsil İdarəsinin (BŞTİ) müdiri Məhəbbət Vəliyeva jurnalistlərə açıqlamasında bildirib.
Onun sözlərinə görə, bu məsələdə müvafiq təşkilatlar öz öhdəliklərini nəzərə alaraq üzərilərinə düşəni yerinə yetirəcəklər.
"Bu gün Bakı məktəblərinin istiliklə bağlı problemlər demək olar yoxdur. Bəzi problemlər ortaya çıxanda operativ olaraq aradan qaldırılır. Təbii ki, kommunal sahədə qiymətlərin artırılması məktəblərə də təsir göstərəcək. Ancaq bu birbaşa bizə aid deyil. Bununla bağlı yəqin ki, büdcədə dəyişiklik ediləcək".
Qafar Ağayev
