Xəbər verdiyimiz kimi dekabrın 7-dən etibarən bağlanan “Cəfər Cabbarlı" stansiyasının 1-ci yolu təmir-bərpa işlərinin aparılması ilə əlaqədar qısamüddətli bağlanmışdı. Dekabrın 15-dən etibarən isə bağlanmış yol açılacaq.
Bu haqda Modern.az-a “Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev məlumat verib.
Yolun bağlanmasının 2 həftə davam edəcəyi bildirilsə də, təmir-bərpa işləri vaxtından əvvəl yekunlaşdırılıb.
Qeyd: 2-ci yol "28 May" stansiyasından "Cəfər Cabbarlı" stansiyasına keçərkən soldakı yoldur. Həmçinin "Cəfər Cabbarlı" stansiyasının eskalatorundan endikdən sonrakı sol istiqamət də 2-ci yola aparır.
Gülşən RAUFQIZI
