Türkiyənin ana müxalifəti Cümhuriyyət Xalq Partiyasının (CHP) sədri Kamal Kılıçdaroğlunun qardaşı Cəlal Kılıçdaroğlu hakim Ədalət və İnkişaf Partiyasına(AKP) üzv olub.
Modern.az Türkiyə KİV-nə istinadla xəbər verir ki, Cəlal Kılıçdaroğlu buna görə AKP-nin qərargahına gedib.
O, jurnalistlərə açıqlamasında deyib ki, bu addımını Kamal Kılıçdaroğlu ilə müzakirə etməyəcək.
O, həmçinin ötən ilin 15 iyulunda baş verənləri əsl çevriliş cəhdi kimi qiymətləndirib. O bildirib ki, bununla bağlı CHP lideri olan qardaşına da danışıb.
“FETÖ ilə bağlı mən Kamal Kılıçdaroğluna xəbərdarlıq etdim. O isə, “sən bu işə qarışma” dedi. Lakin müşaviri FETÖ-cü çıxdı, onu tutdular. Bundan sonra mənə haqq verdi”-deyə o bildirib.
Modern.az
