“Hazırda Qubanın Xınalıq kəndində 18 dərəcə şaxta müşahidə edilir”. Bu barədə Modern.az-a kənd sakinləri məlumat verib.
Bildirilib ki, kəndə gedən yollar buz bağlayıb, gediş-gəliş məhdudlaşıb:
“İnsanlar məcbur qalmadıqca yollara çıxmır. Hazırda da qar az-az yağmada davam edir. Amma güclü şaxta var”.
Qeyd edək ki, Ekologiya və Təbii Sərvətlər Nazirliyi yanvarın 26-dan etibarən ayın sonunadək respublika ərazisində havaların kəskin soyuyacağı, qar yağacağı və yolların buz bağlayacağı ilə bağlı xəbərdarlıq edib.
Gülşən RAUFQIZI
