Bakı-Sumqayıt yolunda baş verən dəhşətli qəzada xəsərət alan Lalə Nəsirzadə ölüb.
Modern.az xəbər verir ki, 18 yaşlı Lalə Nəsirzadə bu gün səhər saatlarında dünyasını dəyişib.
O, 1 saylı Kliniki Tibbi Mərkəzin reanimasiya şöbəsində komada idi.
O, Sumqayıt Dövlət Universitetinin tələbəsi idi.
Xatırladaq ki, martın 9-da səhər saatlarında Bakı-Sumqayət yolunda ağır qəza olub.
Qəza zamanı Sumqayıt Dövlət Universitetinin 5 tələbəsi - İbrahim Quliyev, İbrahim Nəsibov, Çinarə Quliyeva, Rəşad Caniyev, Roza Muradova vəfat etmişdi.
Daxili İşlər Nazirliyindənbildirilib ki, hadisə ilə bağlı Baş İstintaq və Təhqiqat İdarəsində Cinayət Məcəlləsinin 263-cü (yol hərəkəti və nəqliyyat vasitələrinin istismarı qaydalarını pozma) maddəsi ilə cinayət işi başlanıb.
"Ford-Tranzit” markalı sərnişin mikroavtobusunun sürücüsü, Sumqayıt şəhər sakini 1976-cı il təvəllüdlü Hüseynov Namiq Hüseyn oğlu saxlanılıb.
Modern.az
