Milli Məclisin deputatı Qənirə Paşayeva Türkiyənin baş naziri və tanınmış ziyalıları ilə görüşüb. Modern.az xəbər verir ki, millət vəkili Q. Paşayeva Türkiyədə keçirilən beynəlxalq konfrans çərçivəsində baş nazir Bineli Yıldırımla görüşüb.
"Hər zaman Azərbaycanın yanındayıq",- deyən Türkiyənin baş naziri Binəli Yıldırıma millət vəkili Q.Paşayeva azərbaycanlıların da Türkiyənin yanında olduğunu vurğulayıb: "Biz də hər zaman Türkiyənin yanındayıq. Çünki Azərbaycanımızla yanaşı, qardaş Türkiyə də bizim üçün Vətəndir. Sevinciniz sevincimiz, kədəriniz kədərimizdir. Hər zaman Azərbaycanla bərabər Türkiyənin də güclənməsini istəyir və dua edirik. Çünki biz birlikdə bu çoğrafiyada üzüntü, kədər içində yaşayan, müxtəlif dövlətlərin ərazisində yaşayan milyonlarla qardaş-bacılarımız üçün ümid, pənah qapısıyıq".
"Türkiyənin gücü Azərbaycanın Azərbaycanın gücü Türkiyənin güçüdür", -deyən baş nazirlə söhbətində millət vəkili Q.Paşayeva gənc nəsillərimizin məhz bu ruhda yetişməli olduğunu vurğulayıb: "1 millət, 2 dövlət! Allah hər zaman Azərbaycanımızı,Türkiyəmizi qorusun, birlik və bərabərliyimizi daha da gücləndirsin!”.
Q.Paşayeva beynəlxalq konfrans çərçivəsində, həmçinin, Türkiyənin naziri Faruk Çelik, TRT Genel Mudiri Şenol Goka ilə də görüşüb. TRT Genel Müdiri Azərbaycanla əməkdaşlığa xüsusi önəm verdiklərini deyib. Qarabağ həqiqətlərinin daha da geniş yayılmasında KİV böyük rolu və missiyasından danışan millət vəkili Q. Paşayeva görüşün sonunda Şenol Goka ve Faruk Çelikə həmmüəllifi olduğu “Karabağ hikayeleri” kitabını hədiyyə edib.
Millət vəkili Q.Paşayeva həmçinin Türkiyənin tanınmış televiziyaçı və jurnalistləri NTV kanalının aparıcı simalarından Oğuz Haksevər və Sabah qəzetindən Şeref Oğuzla və EKO Avrasiya təşkilatıın rəsmiləri ilə də görüşüb, onlarla Azərbaycan, iki qardaş ölkə arasında münasibətlər və Dağlıq Qarabağ problemi ilə bağlı fikir mübadiləsi aparıb və “Karabağ hikayeleri” kitabını hədiyyə edib.
Modern.az
