Bu gün 70 yaşlı kişi metronun “Əhmədli” stansiyasında relslərin üzərinə yıxılıb. “Bakı Metropoliteni” QSC-nin mətbuat xidmətinin rəhbəri Nəsimi Paşayev Modern.az-a faktı təsdiqləiyb.
N.Paşayev bildirib ki, hadisə mayın 1-də saat 10:39-da “Əhmədli” stansiyasında qeydə alınıb:
“Xətai rayon sakini, 1947-ci il təvəllüdlü Qurban Əliyev Əhmədli stansiyasında relslərin üzərinə yıxılıb. Maşinist dərhal qatarı saxlayıb. Gərginliyi çıxardıqdan sonra sərnişin platformaya çıxarılıb”.
Qurum rəsmisinin sözlərinə görə, sərnişin heç bir xəsarət almayıb:
“Sərnişin bildirdi ki, qəfildən özünü pis hiss edib, başı hərləndiyi üçün yıxılıb”.
Gülşən RAUFQIZI
