İstanbulda iş adamının uşağına işgəncə edən ukraynalı dayə həbs edilib.
Modern.az Türkiyə KİV-nə istinadən xəbər verir ki, 54 yaşlı Nadia Şapovalın davranışları evə yerləşdirilən gizli kameralar vasitəsilə müəyyən edilib. O, Muğlanın Marmaris bölgəsində tutulub.
İstanbulda yaşayan 37 yaşlı iş adamı S.E və həyat yoldaşı xarici əsilli M.T.E uşaqlarına baxması üçün 6 ay əvvəl Ukrayna əsilli dayə işə götürüblər. Bir müddət sonra ana M.T.E uşağın vücudunun müxtəlif yerlərinin göyərdiyini görüb və həyat yoldaşına deyib. Uşağın atası dayənin hərəkətlərindən şübhələnərək evin müxtəlif otaqlarına gizli kamera yerləşdirib.
Ana M.T.E dayənin hərəkətlərindən narahat olduğu üçün onu işdən çıxardıqdan sonra gizli kamera görüntülərini izləyib və işgəncənin şahidi olub.
Qeyd edək ki, cütlük keçən çərşənbə günü polis mərkəzinə gedib.
Buna baxmayaraq iş adamı S.E dayənin izinə düşərək onu tapıb və polisə bildirib.
Günay RƏSULQIZI
