Bu gün axşam saat 20:00 radələrində Mingəçevir şəhərində naməlum kişi meyiti tapılıb. Modern.az "Report"a istinadən xəbər verir ki, yaşı təqribən 30-32 olan meyit şəhərin 20 Yanvar küçəsində yerləşən 18 saylı binanın qarşısındakı yararsız dördmərtəbəli tikilidə aşkar edilib.
İlkin ehtimala görə, meyitin üzərində yanıq əlamətləri var. Naməlum şəxsin meyiti tibbi ekspertiza üçün şəhər morquna təhvil verilib.
Faktla bağlı Mingəçevir Polis şöbəsində araşdırma aparılır.
Modern.az
