Günün qızmar saatlarında uzaq yola çıxan sürücülər diqqətli olmalıdır. Çünki isti hava çox vaxt qəzalara səbəb ola bilər. Modern.az "Xəzər xəbər"ə istinadən xəbər verir ki, temperaturun yüksək olması və hərəkət nəticəsində əmələ gələn istilik avtomobilin müxtəlif detallarının sıradan çıxmasına səbəb ola bilər. Xüsusi ilə də qış və naxışları az olan şinlərdən istifadə etmək tövsiyə olunmur. Çünki belə təkərlərdə qızma prosesi daha tez baş verir.
Kondisionersiz avotomobillərlə də günün isti saatlarında yola çıxmaq tövsiyə olunmur. Bu saatlarda yola çıxmağa məcbur olanlar avtomobili yol üçün təyin edilən sürətdən də yavaş sürsələr yaxşıdır. Əksər sürücü isə isti havanın maşına təsirindən xəbərsizdir.
Mütəxəssislər bildirir ki, istehsal ili köhnə olan avtomobillərin sürücüləri günorta saatlarında yola çıxarkən xüsusi ilə diqqətli olmalıdırlar və yola çıxmamışdan əvvəl avtomobillərini öz ustalarına göstərsələr yaxşıdır.
Modern.az
