Bu gün “SABAH” qruplarının ilk məzun günüdür.
Modern.az xəbər verir ki, 2014-cü ildə yaradılan “SABAH” qrupları savadlı, bacarıqlı və hazırlıqlı tələbələrdən təşkil edilib. 2014-cü ildən bəri 1300 tələbə II kursdan “SABAH” qruplarında təhsil alır.
“SABAH” qruplarının ölkədə müasir tələblərə cavab verən gənclərin hazırlanmasına böyük təkan verdiyini söyləyə bilərik.
Qruplara seçim 1-ci kurs tələbələri arasında müsabiqə yolu ilə aparılıb. 148 mövcud ixtisasdan 53 ixtisas üzrə “SABAH” qrupları yaradılıb.
Bütövlükdə layihə 34 ali təhsil müəssisəsi, 53 ixtisas, 20 minə qədər birinci kurs tələbəsini əhatə edir.
“SABAH” qruplarında dərs müddəti
Tələbə bir il adi qrupda təhsil aldığı üçün “SABAH” qrupunda 2-ci kursdan təhsilini davam etdirir. Yəni təhsil müddəti 3 ildir. Müsahibədən sonra hər bir ixtisas üzrə 15-25 nəfər tələbə olmaqla qruplar formalaşdırılıb. 34 ali təhsil müəssisələrindən seçilən tələbələr 53 ixtisas üzrə öz təhsilini ikinci kursdan etibarən 8 baza ali təhsil müəssisəsində davam etdiriblər. Təhsil aldıqları ali məktəblər bunlardır: Bakı Dövlət, Dövlət İqtisad, Texniki, Memarlıq və İnşaat, Dövlət Pedaqoji, Dillər Universiteti və Bakı Slavyan universitetləri, Azərbaycan Dövlət Neft Akademiyasıdır.
Namidə BİNGÖL
