Türkiyə Super liqasına yüksəlmək uğrunda pley-off final oyununda gərgin anlar yaşanıb. Göztəpə ilə Əskişəhər klublarının üz-üzə gəldiyi əhəmiyyətli matç, futboldan çox digər hadisələrlə yadda qalıb.
Modern.az Türkiyə KİV-nə istinadlaxəbər verir ki, türk aktyoru Rza Qocaoğlu azarkeşlik etdiyi Göztəpə klubuna dəstək olmaq üçün stadiona gəlib. Məşhur aktyor meydançaya daxil olaraq azarkeşləri coşdurmaq qərarına gəlib.
Hadisələr də elə bundan sonra başlayıb.Tanınmış aktyorun bu istəyinə mane olan polis nəfərləri, azarkeşləri çox qıcıblandırıb və onlar meydançaya partlayıcı maddələr atıb.
Stadionda futbol oynamaq üçün münbit zəmin təmin olunana kimi oyun dayandırılıb. Daha sonra aktyor R.Qocaoğlu, azarkeşlərin olduğu sahəyə gələrək matçı onlarla izləyib.
Oyundan sonra məlum olub ki, yanıcı və partlayıcı maddələr çörəyin içində stadiona gətirilib.
Məcid Əmirov
