ABŞ-ın Orlando şəhərində 5 nəfəri öldürən şəxs keçmiş hərbçi olub. Modern.az "RİA Novosti"yə istinadən xəbər verir ki, bu barədə Oranc dairəsinin şerifi Cerri Deminqs bildirib: "Şübhəli şəxsin adı Con Robert Nyumandır. 1972-ci il təvəllüdlü Nyuman ABŞ Silahlı Qüvəlləri Quru Qoşunlarının veteranı olub”.
O, həmçinin ölənlərdən 3-ün adlarını açıqlayıb. Daha iki nəfərin şəxsiyyətinin müəyyənləşdirilməsi üzrə tədbirlər görülür.
Qeyd edək ki, bu gün ABŞ-ın Orlando şəhərində (Florida ştatı) “Flamma” şirkətinin ofisində 5 nəfər odlu silahdan açılan atəş nəticəsində qətlə yetirilib. Daha sonra cinayətkar özünü öldürüb. Hadisənin terror aktı olmadığı, şəxsi münaqişə zəminində törədildiyi müəyyənləşib.
17:49
ABŞ-ın Florida ştatının Orlando şəhərində kütləvi qətliam baş verib.
Modern.az xarici KİV-ə istinadən xəbər verir ki, rəsmi mənbələr insident zaman çoxsaylı qurbanların olduğunu bildirsə də, onların dəqiq sayını açıqlamayıb.
Hadisənin Orlando şəhərindəki biznes mərkəzlərindən birində baş verdiyi, situasiyanın hazırda nəzarət olduğu bildirilir.
Vüqar İSMAYILOV
