Modern.az

Qaxda iki avtomobil toqquşub, xəsarət alanlar var

Qaxda iki avtomobil toqquşub, xəsarət alanlar var

5 İyun 2017, 19:01

Qax rayonunda iki nəfərin xəsarət alması ilə nəticələnən yol-nəqliyyat hadisəsi baş verib.

 

APA-nın Şəki-Zaqatala bürosunun məlumatına görə, hadisə bu gün axşam saatlarında Qax-Qorağan avtomobil yolunun 7-ci kilometrliyində, yolun Alatəmir kəndi ərazisindən keçən hissəsində qeydə alınıb.

 

Qax rayonunun Lələli kənd sakini, 1961-ci il təvəllüdlü Məhsun Xəlil oğlu Orucov idarə etdiyi “Tavriya” markalı, 34-BC-311 dövlət nömrə nişanlı avtomobillə, Qusar rayon sakini Vaqif Şakir oğlu Əhmədovun idarə etdiyi “BMW” markalı,  90-ZL-657 dövlət nömrə nişanlı  avtomobil toqquşub. 

 

Qəza nəticəsində “Tavriya”nın sürücüsü M. Orucov  və sərnişini, Qax rayon sakini Məhəmməd Xəlilov müxtəlif dərəcəli xəsarətlərlə Qax Mərkəzi Rayon Xəstəxanasına (MRX) aparılıblar.

 

Qax MRX-dan bildirilib ki, M. Orucov cərrahiyə şöbəsinə yerləşdirilib, vəziyyəti orta-ağır qiymətləndirilir.  M. Xəlilovun vəziyyəti yüngül olduğundan ona lazımı tibbi yardım göstərildikdən sonra ambulator müalicə almaq şərtilə evə buraxılıb.

 

Faktla bağlı Qax rayon Polis Şöbəsində araşdırma aparılır

 

Modern.az

 

 

 

 

 

Telegram
Hadisələri anında izləyin!
Keçid et
Rusiyadan hücum - Bu dəfə Türkiyəni vurdular