"Artıq bir neçə aydır ki, atama heç kim baş çəkməyib. Atamdan heç bir məktub almırıq". Modern.az xəbər verir ki, bunu Kəlbəcərdə erməni işğalçıları tərəfindən girov götürülən Dilqəm Əsgərovun oğlu Kürdoğlu Əsgərov bildirib.
k.Əsgərovun sözlərinə görə, atasının vəfat etməsi ilə bağlı Dilqəm Əsgərova məlumat verilib: "Babamın vəfat etməsini atama məktubla bildirdik. Atam babamı çox istəyirdi. Həmişə məktublarında onu soruşurdu. Deyirdi ki, “atamdan muğayət olun”. Biz isə onun ölüm xəbərini göndərdik".
Qeyd edək ki, 2014-ci ilin iyulun 11-də 3 azərbaycanlı Kəlbəcərdə girov düşüb. Şahbaz Quliyev və Dilqəm Əsgərovu girov götürən ermənilər Həsən Həsənovu qətlə yetiriblər. Qondarma "məhkəmə"nin hökmü ilə D.Əsgərov ömürlük, Ş.Quliyev isə 22 il müddətinə azadlıqdan məhrum edilib.
Modern.az
