ATƏT-in Minsk Qrupunun həmsədrləri iyunun 10-da işğal altındakı Dağlıq Qarabağ bölgəsinə səfər edəcək.
Modern.az Ermənistan KİV-nə istinadən xəbər verir ki, bundan öncə onlar Ermənistanda ölkə rəhbəri Serj Sarkisyan və xarici işlər naziri Edvard Nalbandyanla görüşəcək.
Səfər zamanı əsas diqqətin təmas xəttində son günlər baş verən insidentlərə və tərəflər arasında etimadın möhkəmləndirilməsinə həsr olunacaq.
Həmsədrlər İqor Popov (Rusiya), Riçard Hoqland (ABŞ) və Stefana Viskoni (Fransa) iyunun 19-da Bakıya gələcək.
Vüqar İSMAYILOV
