“Onlar deyirdilər ki, biz bilmirdik ki, bizim tam yanımızda, qonşuluqda belə möhtəşəm şəhər və belə səviyyəli universitet varmış”
“Bakıda olduqca vacib məsələləri müzakirə etdik. Xüsusilə indiki zamanda bu məsələlər çox aktualdır”. Bu sözləri ABŞ-ın İndiana Universitetinin professoru Viliam Fierman Qərb Universitetinin təşkilatçılığı ilə keçirilən “Müasir dəyişən dünyada xalqların milli özünüdərk və özünütəsdiq prosesinin aktual problemləri” mövzusunda Beynəlxalq Elmi Konfransı şərh edərkən deyib.
Amerikalı professor bildirib ki, konfrans alimlərə bir-biri ilə ünsiyyət qurmağa imkan yaradıb: "Bu konfrans bir tərəfdən müxtəlif müasir və tarixi mövzular üzrə mühazirələri, hesabatları dinləməyə imkan verir. Amma mənim üçün ən mühüm olanı müxtəlif ölkələrin alimləri ilə ünsiyyət imkanının yaranmasıdır. Belə müzakirələr aparmaq, əlaqələr qurmaq, köhnə dostları görmək imkanı nadir hallarda yaranır. Bundan əlavə, məsələn, mən bilirəm ki, Bakı Gürcüstandan gələn qonaqların çox xoşuna gəlmişdi. Onlar deyirdilər ki, biz bilmirdik ki, bizim tam yanımızda, qonşuluqda belə möhtəşəm şəhər və belə səviyyəli universitet varmış.
Mənım çıxışım isə Azərbaycan və Orta Asiyadakı türk dövlətlərinin dil siyasəti ilə bağlı idi. Bu və digər aspektlərdən aparılan təhlillərimin nəticəsində belə qənaətə gəlmişəm ki, Azərbaycan dünyaya, xüsusən də Qərbə daha açıq ölkədir".
Modern.az
