Gəncə sakini maşının dövlət qeydiyyat nişanının "C" hərfini dəyişərək "O" hərfinə çevirib. Bir müddət belə avtomobil idarə edən sürücünün dəyişdiyi nömrə isə tamam başqa bir avtomobilə aid olduğundan cərimələr ona göndərilib. Məlum olub ki, saxtakar sürücü bir gündə bu üsulla 16 qayda pozub.
Modern.az "Xəzər xəbər"ə istinadən xəbər verir ki, həmin nömrə isə "Toyota-Land Gruiser" markalı avtomobilə aid olub. Törətmədiyi qayda pozuntularına görə gələn elektron protokolların yazılması sahibini şübhələndirib. Protokola diqqətlə baxdıqdan sonra fırıldağı müəyyən edib.
Dövlət yol polisi əməkdaşları aşkarlayıb ki, "CK” hərfləri olan nömrəyə qeyri-qanuni müdaxilə edən "Hyundai" markalı avtomobilin sürücüsü cərimələrdən xilas olacağını düşünüb.
Baş Dövlət yol Polis İdarəsinin şöbə rəisi Kamran əliyev sürücülərə bir daha xəbərdarlıq edərək bildirir ki, son zamanlar artan belə saxtalaşdırma hallarına yol verənlər mütləq polis tərəfindən aşkarlanır.
Modern.az
