Bu il başlayandan 20 nəfər ilan sancması ilə bağlı Klinik Tibbi Mərkəzin Toksikologiya şöbəsinə müraciət edib.
Bu haqda Modern.az-a şöbənin müdiri Azər Maqsudov məlumat verib.
Baş toksiokoloq bildirib ki, apreldə 2 nəfəri, mayda 14 nəfəri, iyunda 4 nəfəri ilan sancıb:
“Müraciət edənlər bölgələrdən, Bakı və ətraf kəndlərdəndir. Onlardan biri Şamaxıdan, digəri Ceyranbatandan, qalanları paytaxt və ətraf kəndlərdən müraciət edib. Hamısını da gürzə ilanı sancıb”.
A.Maqsudovun sözlərinə görə, ilan sancmasından ölən olmayıb:
“Xəstələrin hamısına zərdab vurulub, lazımi müayinə aparıldıqdan sonra evə buraxılıblar”.
Mayda sarı əqrəb sancması ilə 3 nəfər, iyunda 1 nəfər müraciət edib. Onların vəziyyəti zəhərlənmə kimi qiymətləndirilməyib”.
Gülşən RAUFQIZI
