Yevlax Rayon Mərkəzi Xəstəxanasında yanğın baş verib.
Bu barədə Modern.az-a İcbari Tibbi Sığorta üzrə Dövlət Agentliyinin mətbuat xidmətinin rəhbəri Aynurə Əhmədova məlumat verib.
O qeyd edib ki, xəstəxananın bütün işçiləri təxliyə edilib:
“İlkin məlumata görə xəsarət alan olmayıb. Bizdə olan məlumata görə, hadisə yerinə Fövqəladə Hallar Nazirliyinin (FHN) Dövlət Yanğından Mühafizə Xidmətinin Yevlax rayon Dövlət Yanğından Mühafizə Hissəsinin əməkdaşları cəlb olunub.
Bu dəqiqələrdə yanğın söndürülüb”.
