Bu il Füzuli rayonda 2050 ha ərazidə pambıq əkilib. Pambıq sahələrinə lazımı aqrotexniki qulluq göstərilib, mineral gübrələr verilib, vaxtlı-vaxtında suvarma suyu ilə təmin edilib. Əkilmiş pambıq sahələrinin becərilməsinə minlərlə insan cəlb edilib, onların məşğulluğu təmin edilib.
Rayon İH-dən Modern.az-a daxil olan xəbərə görə, əvvəllər rayonda pamq tədarükü məntəqəsi olmadığına görə rayonun pambıq istehsalçıları istehsal etdikləri məhsulu qonşu rayonlardakı tədarük məntəqələrinə təhvil verirdilər və bu da əlavə vəsait və vaxt itkisinə səbəb olurdu. Hazırda Horadiz şəhəri ərazisində 6 hektar ərazidə pambıq tədarükü məntəqəsinin tikintisinə başlanılıb. Yaxın günlərdə məntəqənin tikintisi başa çatacaq. Pambıq tədarükü məntəqəsinin işə düşməsi hesabına rayonda onlarla əlavə iş yerləri açılacaq, həm də rayonun pambıq istehsalçıları istehsal etdikləri məhsulu vaxt və vəsait itirmədən təhvil verə biləcəklər.
