Bu gün AFFA İntizam Komitəsinin növbəti iclası keçirilib.
AFFA-dan Modern.az-a verilən məlumata görə, iclasda aşağıdakı qərarlar qəbul edilib:
Topaz Premyer Liqasının üçüncü turunun “Neftçi” – “Kəpəz” matçında “Neftçi”nin 4 futbolçusu sarı vərəqə ilə cəzalandığı üçün klub 800 manat cərimə olunub.
Topaz Premyer Liqasının üçüncü turunun “İnter” – “Səbail” matçının 63-cü dəqiqəsində “İnter”in futbolçusu Tərlan Quliyev ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanıb, klub 200 manat cərimə olunub.
Topaz Premyer Liqasının üçüncü turunun “Qarabağ” – “Qəbələ” matçının 69-cu dəqiqəsində “Qarabağ”ın azarkeşləri tərəfindən meydançaya kənar əşyalar atıldığı üçün klub 1600 manat cərimə olunub.
