Avqustun 28-dən Qəbələ rayonunun Solquca, Abrıx və Dandıx kəndləri yaxınlığındakı meşə ərazisində başlamış yanğın davam edir.
Modern.az Qəbələdə baş verən yanğınla bağlı müvafiq dövlət qurumlarının işi ilə maraqlanıb. Müşahidələrin nəticəsində məlum olub ki, Ekologiya və Təbii Sərvətlər Nazirliyi üç saatdan bir həm saytında, həm də rəsmi Facebook səhifəsində mütəmadi olaraq yanğınla bağlı məlumat verir. Ölkə ərazisində 4 gün qeyri-iş günü olsa da nazirliyin əməkdaşları gücləndirilmiş is rejimində çalışır.
