Gələn il Azərbaycan Xalq Cümhuriyyətinin 100 illik yubileyi dövlət səviyyəsində qeyd ediləcək.
Mədəni-humanitar qurumlar, QHT-lər, eləcə də dövlət təşkilatları, elmi müəsssisələr bu istiqamətdə nə kimi işlər görməyi planlaşdırır?
Modern.az silsilə şəklində aiddiyyatı orqan və mədəni-humanitar təşkilatların “AXC-100” mövzusunda görəcəyi işlərlə bağlı ictimaiyyəti bilgiləndirməyə çalışacaq.
Həmçinin, ayrı-ayrı ziyalılar, araşdırmaçı, tarixçi və yaradıcı adamların da bu yöndə hər hansı iş görmələri böyük maraq doğurur.
Bu dəfə Azərbaycan Aşıqlar Birliyindən “AXC-100”lə bağlı görəcəyi işlərlə tanış olmaq istədik. Qurumun sədri professor Məhərrəm Qasımlı sayta açıqlamasında gələn həftənin əvvəllərində bu istiqamətdə görəcəkləri işləri açıqlayacaqlarını bildirib:
“Aşıqlar Birliyinin Azərbaycan Xalq Cümhuriyyətinin 100 illik yubileyi ilə bağlı çox böyük layihələri olacaq. Görüləcək işlər, layihələr çoxdur. Gələn həftənin əvvəllərində - həftənin ilk iş günündə bu barədə görüləcək konkret işləri açıqlayacağıq”.
N.Nihad
