Ekologiya və Təbii Sərvətlər Nazirliyi 2017-cı il başlayandan bu günədək "Göygöl" Milli Parkını ziyarət edən turistlərin sayını açıqlayıb.
Qurumun mətbuat xidmətindən Modern.az saytının sorğusuna cavab olaraq bildirilib ki, bu il başlayandan sentyabrın 15-dək Milli parkı 73677 nəfər ziyarət edib. Belə ki, bu il ərzində ziyarətdə olan turistlərdən 4153-ü əcnəbi, 69524-ü isə azərbaycanlı vətəndaşlar olub.
Qeyd edək ki, 2008-ci ildən “Göygöl”ə Milli Park statusu verilib. Göygöl Milli Parkının yenidən kütləvi istirahət və gəzintilərə açılması ilə bağlı burada Ekologiya və Təbii Sərvətlər Nazirliyi tərəfindən təbiətin mühafizəsi və ekosistemin qorunması istiqamətində daimi nəzarət və tədbirlər həyata keçirilib.
2015-ci ildən etibarən qoruq ziyarətçilər üçün açıq elan olunub.
