Bərdədə 21 yaşlı gənc itkin düşüb. Modern.az xəbər verir ki, həmin gəncin yaxınlarının APA-ya verdiyi məlumata görə, İmişli rayon Bəcrəvan kəndində qeydiyatda olan, lakin Bərdə rayon Gərənə kəndində yaşayan Əfkərov Vəzir Mübariz oğlu işlədiyi plastik qapı-pəncərə sexindən çıxıb və geri dönməyib. İtkin düşən gün onun üstundə şəxsiyyətini təsdiq edən hər hansı sənəd olmadığı və cibində 260 manat pul olduğu bildirilir. Ailə üzvləri V.Əfkərovun itkin düşməsi ilə bağlı Bərdə Rayon Polis Şöbəsinə müraciət edib. V.Əfkərov barəsində məlumatı olanlardan 050 391 30 29 nömrəsinə zəng etmələri xahiş olunur.
