Azərbaycanın Rusiyadakı səfirliyində insident baş verib. Modern.az Rusiya KİV-nə istinbadən xəbər verir ki, Olqa adlı qadın iş günü başa çatandan sonra səfirliyə daxil olmaq istəyib.
Diplomatik nümayəndəliyin qapısı gələnlər üçün bağlansa da, qadın binaya girməyə cəhd edib.
Məlumata görə, içkili vəziyyətdə olan qanun pozucusu səfirliyin mühafizəçisi ilə dalaşıb, qapını döyəcləyərək söyüş söyüb.
O həm də Azərbaycana getmək istədiyini bildirib.
Səfirliyin əməkdaşları polis çağırıb. Hadisə yerinə gələn qanun keşikçiləri qadını saxlayıblar.
