Azərbaycanda yayılması qadağan edilən informasiyanın yerləşdirilməsinə görə vəzifəli şəxslər cərimələnəcək.
Modern.az-ın məlumatına görə, bununla bağlı İnzibati Xətalar Məcəlləsində dəyişiklik edilir.
Belə ki, internet informasiya ehtiyatı “Yayılması qadağan edilən informasiyanın yerləşdirildiyi informasiya ehtiyatlarının siyahısı”na daxil edildikdən dərhal sonra host-provayder və internet provayder tərəfindən həmin internet informasiya ehtiyatına müraciətin məhdudlaşdırılmamasına görə vəzifəli şəxslər 1500 manatadək, hüquqi şəxslər 2 min manatdan 2500 manatadək məbləğdə cərimə ediləcək.
Məcəlləyə dəyişiklik Milli Məclisin dekabrın 1-də keçiriləcək iclasında müzakirə ediləcək.
