Əfqanıstanın Tacikistanla sərhədində atışma olub. Modern.az xarici mediaya istinadən xəbər verir ki, 12 narkotik qaçaqmalçısı Tacikistanın Əfqanıstan ilə sərhədində yerləşən “Baxorak” keçid məntəqəsinə daxil olmağa cəhd edib.
Tacikistan Milli Təhlükəsizlik Komitəsinin məlumatına görə, təhlükəsizlik qüvvələri ilə atışmada sərhəd dəstəsinin komandiri, polkovnik Xayriddin Axtamov həlak olub. Daha dörd nəfər isə yaralanıb.
Tacikistan Təhlükəsizlik Qüvvələrinin cavab atəşi ilə üç sərhəd pozucusu zərərsizləşdirilib. Hadisə yerində xeyli silah və 33 kiloqram narkotik götürülüb.
