Türkiyə prezidenti Rəcəb Tayyip Ərdoğan Suriya lideri Bəşər Əsədi terrorçu adlandırıb.
Modern.az Türkiyə KİV-nə istinadən xəbər verir ki, tunisli həmkarı Beci əs-Sebsi ilə birgə mətbuat konfransı keçirən Ərdoğan Əsədin hakimiyyətdən getməli olduğunu deyib.
“Əli milyonlarla vətəndaşının qanına bulaşmış şəxslə necə yeni gələcək qurmaq olar? Əsəd dövlət səviyyəsində terror apardığı üçün hakimiyyətdə qala bilməz. Nə üçün Rusiya və Türkiyə, həmçinin beynəlxalq koalisiya Suriyadadır? Çünki ölkədə stabillik yoxdur və Əsədlə hər hansı stabillikdən danışmağa dəyməz”.
