Xalq artisti Çingiz Sadıxovla vida mərasimi keçirilib.
Modern.az-ın APA-ya istinadən məlumatına görə, mərasimdə mədəniyyət və turizm naziri Əbülfəz Qarayev, nazir müavini Ədalət Vəliyev, xalq artistləri Fərhad Bədəlbəyli, Ağaverdi Paşayev və başqaları iştirak ediblər.
F. Bədəlbəyli Ç. Sadıxovun vəfatını Azərbaycan mədəniyyəti və musiqisi üçün böyük itki kimi dəyərləndirib. O qeyd edib ki, Azərbaycan musiqisində Ç. Sadıxovun özünəməxsus yeri və xidmətləri var.
Mərhumun cənazəsi dəfn üçün II Fəxri Xiyabana götürülüb.
