Birləşmiş Ərəb Əmirliklərinin Səhiyyə Nazirliyi ilk dəfə kosmosda “Emirates Space Hospital” adlı hospital açmaq niyyətində olduğunu elan edib.
AZƏRTAC “Khaleej Times” nəşrinə istinadla xəbər verir ki, BƏƏ milli kosmik proqramının bir hissəsi olan layihə 2020-ci ildə Əmirliyin Marsda missiyasının başlanması ilə bir vaxtda işə salınacaq.
Səhiyyə Nazirliyinin nümayəndəsi Kulthum əl-Beluşi bildirib ki, kosmonavtlara kosmosda müalicə imkanları yaradılacaq və onlara göstərilən tibbi xidmətlərə nanotexnologiyaların köməyi ilə Yerdən nəzarət ediləcək.
