Dövlət İmtahan Mərkəzi (DİM) Azərbaycan Respublikasının Baş Prokurorluğu ilə birgə dövlətimizin başçısının 2001-ci il 19 iyun tarixli Fərmanı ilə təsdiq edilmiş "Prokurorluğa işə qəbul olunmaq üçün namizədlərlə müsabiqə keçirilməsi qaydaları haqqında" Əsasnaməyə müvafiq olaraq prokurorluq orqanlarında işləmək istəyən namizədlər üçün test imtahanı keçirib.
DİM-dən Modern.az-a bildirilib ki, Bakı İdman Sarayında təşkil olunan imtahan saat 10:00-da başlayıb və 3 saat davam edib.
İşə qəbul olunmaq üçün ərizə təqdim etmiş 481 namizəddən 71-i imtahana gəlməyib. İmtahanda iştirak etmiş 410 namizəddən 222-si müsabiqə şərtini (70 və daha çox bal) ödəyərək növbəti mərhələyə buraxılıb. Bir namizəd ən yüksək bal – toplanılması mümkün olan 90 bal toplayıb.
İmtahanın nəticələri ilə //eservices.dim.gov.az/imtnetice/PROK0228.htm linkində tanış olmaq mümkündür.
