Hindistanın Mumbay şəhərində yerləşən "Boysar" sənaye zonasındakı dərman zavodunda güclü yanğın baş verib.
Modern.az xəbər verir ki, bu barədə Hindistan KİV-ləri məlumat yayıb.
Hadisə nəticəsində 3 nəfər ölüb, 14 nəfər xəsarət alıb. Yanğının martın 8-də gecə 23:30 radələrində zavodunda bir neçə qazanın partlaması nəticəsində yaranıb. Partlayışın çox güclü olduğu qeyd edilib. Yaranmış güclü yanğın 10-12 kilometr radiusda gözlə aydın görünə bilib. Yanğın ətrafdakı zavodlara da yayılıb.
Polisin ilkin rəyinə əsasən, yanğına səbəb dərman istehsalında istifadə oluna tezalışan kimyəvi maddələr olub.
Hazırda yanğının söndürülməsi prosesi davam edir.
Əvəz Zeynalov
