2018-ci ilin yanvarın 1-ə olan vəziyyətə görə, Azərbaycanda avotomobillərin sayı 1,34 milyon ədəd təşkil edib.
Modern.az xəbər verir ki, bunu Dövlət Statistika Komitəsinin sədri Tahir Budaqov Yeni Azərbaycan Partiyasının saytında dərc olunmuş müsahibəsində deyib.
Komitə sədri qeyd edib ki, nəqliyyat sektoru Azərbaycan iqtisadiyyatında vacib yer tutur. 2017-ci ildə ölkənin ümumi daxili məhsulunda nəqliyyat sektorunun payı 6,8 faiz təşkil edib. 2003-cü ildən bu sahədə yaradılmış əlavə dəyərin həcmi 2,8 dəfə artıb.
