Fransanın paytaxtı Paris şəhərində Diplodokus və Allosaurus növünə aid edilən dinozavr skeletləri 3 milyon avroya yaxın məbləğə satılıb.
Modern.az xarici KİV-ə istinadən xəbər verir ki, Yura dövrünə- təxminən 145-200 milyon il bundan əvvələ aid edilən 2 dinozavr skeletinin hər birinin qiyməti təxminən 1,4 milyon avro olub.
Skeletləri alan şəxslərin adı açıqlanmayıb. Ancaq məlumatda bu skeletlərlə Hollivud ulduzları Leonardo Di Kaprio və Nikola Keycin də maraqlandığı qeyd olunub.
