Malayziyanın eks-baş naziri Nəcib Razakdan içərisi qızıl-zinət əşyaları və pullarla dolu 72 çanta müsadirə olunub.
Modern.az “The Star” qəzetinə istinadən xəbər verir ki, Malayziyanın hüquq mühafizə orqanları eks baş nazirə aid bir neçə obyektdə apardıqları axtarışlar zamanı bu əşyaları müsadirə ediblər.
Nəşrin məlumatına görə axtarışlar Razaka aid bir neçə iqamətgahda və ofisində aparılıb.
“Biz içərisində 284 qutu olan dizayner çantaları aşkarladıq. Yoxlamalardan sonra məlum oldu ki, 72 çantada içərisində həmçinin Malayziya və ABŞ valyutaları daxil müxtəlif ölkələrin valyutaları, saatlar və zinət əşyaları olub”- iqtisadi cinayətlərin araşdırılması üzrə polis şöbəsinin müdiri Datuk Seri Amar Sinqx bildirib.
Aşkarlanan əşyaların ümumi dəyəri haqda məlumat verilməyib. Lakin həmin çantaların premium brendlər olan “Louis Vuitton” və “Birkin” markalarına aid olduğu bəllidir.
Əvəz ZEYNALOV
