Müsavat Partiyasının başqanı Arif Hacılı bu gün xəstəxanadan çıxacaq.
Bu barədə Müsavat Partiyası Mərkəzi İcra Aparatının rəhbəri Gülağa Aslanlı Modern.az saytına məlubat verib. O bildirib ki, hazırda Arif Hacılının vəziyyəti tam normaldır:
“Onun böyrəklərində daşlar var idi, həmin daşlar lazer yolu ilə xırdalanıb və orqanizmi təmizlənib”.
G.Aslanlı həmçinin Müsavat Partiyasının bu il keçiriləcək qurultayından da söz açıb:
“Müsavat Partiyasının qurultayı ilə bağlı bildiyiniz kimi, təşkilat komitəsi yaradıldı. İndi nizamnaməyə uyğun olaraq rayon təşkilatlarında konfranslar keçirilməlidir. Havaların isti olması ilə əlaqədar bu işlər ləngiyir. Yəqin ki, əsas sürət sentyabr ayından başlayacaq”.
Müsahibimiz “Arif Hacılı yenidən başqanlığa namizədliyini verəcəkmi” sualını belə cavablandırıb:
“Bunun nizamnamə mərhələsi mövcuddur. Ona uyğun olaraq namizədlərin irəli sürülməsi başlanan zaman Arif Hacılının da yenidən başqanlığa namizədliyini verib-verməyəcəyi bəlli olacaq”.
