“GƏNCƏ GRAND QAFQAZ” Ticarət Kompleksi 30 ədəd iki mərtəbəli, 58 ədəd birmərtəbəli binalardan ibarətdir və burada ümumilikdə 4.000-dən çox mağaza fəaliyyət göstərir.
Kompleks 30 hektar ərazini əhatə edir. Bu ticarət kompleksi miqyasına görə, Qafqazın ən böyük ticarət mərkəzlərindən biri hesab edilir.
Kompleksdə 10.000 nəfər işlə təmin olunub.
Nəhəng ticarət kompleksində hərəkətin maneəsiz təminatı üçün böyük dayanacaq inşa edilib. Burada bostan bitkiləri, meyvə, tərəvəz, ət, süd, un məmulatlarının satışı üçün modul tipli sektorlar fəaliyyət göstərir və bunlarla yanaşı diri balıqların satışı üçün böyük akvariumlar, eyni zamanda iri soyuducu anbarlar tikilib.
Ticarət komleksində həm kənd təsərrüfatı məhsullarının, həm də sənaye mallarının topdan və pərakəndə satışı təşkil edilib.
"GƏNCƏ QRAND QAFQAZ" Ticarət kompleksi həm alıcıların, həm də satıcıların rahatlığını təmin etmək üçün xüsusi ayrılmış olan modul tipli sektorlara bölünüb, bu sektorlarda satışa çıxarılan məhsullar öz təyinatı üzrə ayrılan bölmələrdə alıcılara təklif edilir.
1. 15.000 m2 ərazidə - kənd təsərrüfatı mallarının satışı üçün xüsusi ayrılmış modul tipli sektor.
2. 10.000 m2 ərazidə - İnşaat mallarının satışı üçün xüsusi ayrılmış modul tipli sektor.
3. 10.000 m2 ərazidə mebellərin satışı üçün xüsusi ayrılmış modul tipli sektor.
4. 8.000 m2 ərazidə - Elektrik avadanlıqlarının satışı üçün xüsusi ayrılmış modul tipli sektor.
Eyni zamanda 2.000 m2 əraziyə malik olan Qiber market fəaliyyət göstərir.
Ticarət Kompleksində 24 saat 284 ədəd nəzarət kamerası, eyni zamanda canlı mühafizə xidməti var.
Burada həmçinin insanların rahatlığı üçün hər cür şəraitə malik olan Hostel otel, restoran, kafe, əyləncə mərkəzi, yüksək sürətli internet qovşağı fəaliyyət göstərir.
Kompleksin tikintisində də Gəncə üçün xarakterik olan bişirilmiş qırmızı kərpicdən istifadə edilib.
Şəhər üçün ənənəvi digər cəhət tikilinin fasad hissəsinin həm milli, həm də qərb memarlıq elementləri ilə həmahəng bəzədilməsidir.
Qeyd edək ki, Azərbaycan Respublikası ərazisində kənd təsərrüfatına dəstək məqsədi ilə, eyni zamanda istənilən iri və kiçik sahibkarlıqla məşğul olmaq istəyənlərə Gəncə Grand Qafqaz Ticarət Kompleksində tam yüksək şərait yaradılıb.
Kompleks təklif etdiyi inanılmaz güzəştli şərtlər paketi ilə sizlərin yolunu gözləyir.
