Modern.az

İcra başçısı dünya çempionunu qəbul etdi  

İcra başçısı dünya çempionunu qəbul etdi   

Aktual

20 Dekabr 2018, 17:33

Binəqədi Rayon İcra Hakimiyyətinin (RİH) başçısı Elxan Allahverdiyev rayon sakini, idmanın uşu-sanda növü üzrə 4 qat Azərbaycan və 2 qat Dünya çempionu olmuş İsmayılov Fətəli Hüseyn oğlunu qəbul etmişdir. Görüşdə Binəqədi RİH başçısının müavini Aygün Əliyeva, İctimai-siyasi və humanitar məsələlər şöbəsinin müdiri Nicat Allahverdiyev, Binəqədi rayon Gənclər və İdman İdarəsinin rəisi Elvin Aslanov, çempionun məşqçisi və valideyni iştirak etmişdir.


Tədbirdə açılış nitqi ilə çıxış edən Binəqədi RİH başçısı Elxan Allahverdiyev ölkədə idman sahəsində görülən işlər barəsində danışdı. O qeyd etdi ki, son illər Respublikamızın beynəlxalq yarışlara ev sahibliyi etməsi Azərbaycanın dünyada idman ölkəsi kimi tanınmasında mühüm rol oynamışdır. Daha sonra, Gənclər və İdman idarəsinin rəisi E.Aslanov F.İsmayılovun idmanda əldə etdiyi uğurlar haqqında ətraflı məlumat verdi. Çıxış edən F.İsmayılovun atası H.İsmayılov gənclərin sağlam həyat tərzinə təşviq olunmasına və bu istiqamətdə ölkəmizdə idmanın inkişafına ayrılan diqqətə görə dövlət başçısı cənab İlham Əliyevə təşəkkürünü bildirdi.


Yekun nitqlə çıxış edən Binəqədi RİH başçısı Elxan Allahverdiyev idmanda qazandığı uğurlara görə Fətəli İsmayılova Fəxri fərman təqdim etdi və sonda xatirə şəkli çəkdirildi.

 

Sizə yeni x var
Keçid et
Rusiyadan hücum - Bu dəfə Türkiyəni vurdular