Bayram günlərində 2018-ci il dekabrın 31-də və 2019-cu il yanvarın 01-nə olan ilkin hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Modern.az-a verilən məlumata görə, dekabrın 31-də paytaxtda hava şəraiti dəyişkən buludlu olacağı, əsasən yağmursuz keçəcəyi gözlənilir. Lakin səhər və axşam bəzi yerlərdə çiskinli olacağı ehtimalı var. Şimal küləyi əsəcək.
Havanın temperaturu gündüz 7-10, 31-dən yanvarın 01-nə keçən gecə 2 dərəcəyə yaxın olacaq.
Yanvarın 01-də gün ərzində mülayim, əsasən yağmursuz hava şəraitinin davam edəcəyi gözlənilir.
Qeyd: Hər gün bir daha dəqiqləşdirilmiş məlumat təqdim olunacaqdır.
