Rusiyanın Rostov vilayətində yaşayış evi qaz partlayışından dağılıb. Modern.az Rusiya KİV-nə istinadən xəbər verir ki, hadisə Şaxtı şəhərində 9 mərtəbəli binada baş verib. Səkkiz və doqquzuncu mərtəbələr arasında arakəsmələr dağılıb.
Hadisə yerində müvafiq qurumlar işləyir.
Son məlumata görə, partlayış nəticəsində 1 qadın ölüb, dağıntılar altında 3 nəfərin qaldığı bildirilir. Hadisə nəticəsində 8 nəfər yaralanıb, onlardan 5-i xəstəxanaya yerləşdirilib.
Binada yaşayan 140 sakin təxliyə olunub.
