Biləsuvarda baş verən qəzada ölən və yaralananların şəxsiyyəti məlum olub
Ötən gün gecə saatlarında Biləsuvar rayonunda baş verən ağır yol qəzası zamanı ölən 3 nəfərdən birinin və yaralananların şəxsiyyəti məlum olub.
Modern.az "Report"a istinadən xəbər verir ki, qəza nəticəsində hadisə yerində 2 nəfər ölüb, 3 nəfər isə yaralanıb. Yaralılar xəstəxanaya yerləşdirilib. Onlardan 1966-ci il təvəllüdlü Abşeron rayonu Hökməli qəsəbə sakini Elmira Əli Ağasəfər qızı xəstəxanada keçinib. Bununla da ölənlərin sayı 3-ə çatıb.
Digər iki yaralı - 1953-cü il təvəllüdlü Bakı şəhəri, Biləcəri qəsəbə sakini 1953-cü il təvəllüdlü Dəmirova Vəli Baxış qızının vəziyyəti ağır olduğundan, o, reanimasiya şöbəsinə yerləşdirilib, 2003-cü il təvəllüdlü Həşimov Qəyyum Dəyanət oğluna isə tibbi yardım göstərilərək, evə buraxılıb.
Hazırda ölən iki şəxsin kimliyi dəqiqləşdirilir.
Faktla bağlı araşdırma aparılır.
***
Biləsuvarda aşan mikroavtobusda 3 nəfər ölüb. Modern.az xəbər verir ki, hadisə nəticəsində daha 2 nəfər yaralanıb. Hazırda onların şəxsiyyəti dəqiqləşdirilir.
Yaralılar xəstəxanaya yerləşdirilib. Məlumata görə, mikroavtobus İrandan geri qayıdırmış.
***
Biləsuvarda mikroavtobus aşıb. Modern.az “Qafqazinfo”ya istinadən xəbər verir ki, hadisə Ələt-Astara avtomobil yolunun Biləsuvar rayon ərazisindən keçən hissəsində baş verib.
İlkin məlumata görə, yolda hərəkətdə olan mikroavtobus aşıb. Nəticədə ölən və yaralananlar var.
Sərnişinlərin kimliyi dəqiqləşdirilir.
Faktla bağlı araşdırma aparılır.
