Milli Məclisin sədri Oqtay Əsədov parlamentin bu gün keçirilən plenar iclasında deputatlara xəbərdarlıq edib.
Modern.az-ın məlumatına görə, buna səbəb bəzi deputatların iclasda iştirak etməməsi olub.
Spiker hər kəsə işində diqqətli olmağı tapşırıb:
“Bəzi deputatlar günün birinci yarısı gəlir, ikinci yarısı iclasda olmurlar. Heç kim kimdənsə artıq deyil. Heç kimi zornla millət vəkili etməyiblər.
Bu, bizim birinci iş yerimizdir. Milli Məclisin ayda 3-4 dəfə iclası olur. Hamı vaxtı-vaxtında iclasda iştirak etsin. Üzürlü səbəb hamıda ola bilər. Olur ki, Milli Məclisin birinci yarısında iştirak edib, ikinci yarısında olmurlar. Bunu nə qədər demək olar? Belə işləmək saymamazlıq olur”-, deyə O.Əsədov vurğulayıb.
O.Əsədov deputatların telefonlarına zəng gəlməsinə də irad bildirib.
“Ay millət vəkilləri, girmisiniz Milli Məclisə. Hər dəfə sizə xəbərdarlıq edirik. Bu telefonlarınızı səssizə qoyun da!”
Mail Ağaxanov
