Tanınmış media eksperti, BDU-nun TV və radio jurnalistikası kafedrasının baş müəllimi Zeynal Məmmədli son vaxtlar mediaya az-az görünür. Mətbuata açıq, bir sıra layihələrin təsisçisi olan KİV ekspertinin yoxluğunun səbəbini öyrənməyə çalışdıq.
Modern.az-a danışan Zeynal Məmmədli bildirir ki, səhhəti qaydasındadır, qarşıda yeni layihələr var.
“Beynəlxalq Jurnalistika Məktəbində (BJM) oktyabr ayından etibarən ictimai əsaslarla telexəbər proqramı layihəsi olacaq. Eyni zamanda, teledebat proqramının hazırlanması layihəsini də həyata keçirmək fikrindəyəm. Hər iki layihənin 5 ay müddətində davam etdiriləcəyi nəzərdə tutulub”.
