Balkan və Cənub-Şərqi Avropa Xəbər Agentlikləri Birliyi Anadolu Agentliyinin (AA) Misirdə saxlanılan işçilərini dəstəkləyib.
Modern.az Andolu Agentliyinə istinadən xəbər verir ki, Misir polisinin agentliyin Qahirədəki ofisinə hücum etməsini Balkan və Cənub-Şərqi Avropa Xəbər Agentlikləri Birliyi “mətbuata basqı” kimi qiymətləndirib. Birlik heç bir izahat olmadan tutulan AA işçilərinin dərhal sərbəst buraxılmasının vurğulandığı açıqlamada, Misir rəsmilərini mətbuatın köklü qayda-qanunlarına əməl etməyə çağırıb.
Qeyd edək ki, AA eyni zamanda 1995-ci ildə regional xəbər agentlikləri arasında tam əməkdaşlığı təmin etmək və bölgədə sülh, dostluq və təhlükəsizlik mühitinin yaradılmasına töhfə vermək üçün yaradılan ABNA-SE-nin üzvləri arasındadır.
