Mərkəzi Seçki Komissiyasının (MSK) bu gün keçirilən iclasında 8 saylı Binəqədi birinci seçki dairəsindən qeydə alınan namizəd Ağasif İbrahimovun müraciətinə baxılıb.
Modern.az xəbər verir ki, müraciət barədə MSK üzvü Validə Kazımova məlumat verib. O qeyd edib ki, iddiaçı həmin dairədə səsvermənin nəticələrinin ləğv edilməsini xahiş edib:
“Araşdırma zamanı 24 saylı seçki məntəqəsində qanun pozuntuları aşkarlanıb. Təklif edirəm həmin məntəqədə səsvermənin nəticələri etibarsız sayılsın”.
MSK-nın ekspert qrupunun rəyi əsasında həmin dairənin 24 saylı seçki məntəqəsində səsvermənin nəticələrinin etibarsız sayılması ilə bağlı qərar qəbul edilib.
Beləliklə, namizədin muraciəti qismən təmin edilib.
