Türk Hava Yolları mayın 1-dən ölkədaxili uçuşları bərpa edəcək.
Modern.az Türkiyə mediasına istinadən xəbər verir ki, şirkət koronavirusun yayılmasının qarşısını almaq üçün görülən tədbirlər çərçivəsində dayandırılan uçuşlar üçün bilet satışına başlayıb.
Belə ki, Türk Hava Yollarının turizm agentliklərinə göndərdiyi məktubda, bütün daxili uçuşların mayın 1-dən bərpa ediləcəyi bildirilib.
İstanbul-Ankara, İstanbul-İzmir kimi bəzi reyslər üçün isə aprelin 20-dən uçuşlar həyata keçiriləcək.
