Azərbaycanın Birinci vitse-prezidenti Mehriban Əliyeva özünün rəsmi “Instagram” səhifəsində Türkiyəyə təşəkkür edib.
Modern.az-ın məlumatına görə, Birinci vitse-prezident Türkiyənin paytaxtı Ankarada yerləşən məşhur Atakule qülləsində Azərbaycan Respublikasının bayrağının işıqlandırılmasını nəzərdə tutaraq paylaşımda qeyd edib:
"Qardaş Türkiyəyə dərin minnətdarlığımı bildirirəm! Ölkələrimiz daim bir-birinin yanındadır – həm sevincli günlərdə, həm çətin sınaq günlərində. Bizim birliyimiz, bizim gücümüz bundadır! Xalqlarımıza möhkəm cansağlığı, ölkələrimizə sülh və əmin-amanlıq arzulayıram! Qoy Uca Tanrı dünyamızı qorusun!".
