Əli bəy Hüseynzadənin qızı Feyzavər Alpsar vəsiyyətinə uyğun olaraq İstanbul, Zincirlikuyu məzarlığında həyat yoldaşının yanında dəfn edilib.
Türkiyədəki mövcud “COVİD-19” qadağasına görə dəfn mərasimi keçirilməyib.
Azərbaycanın Türkiyədəki səfirliyindən Modern.az-a verilən məlumata görə Feyzavər Alpsar Turanın dəfnində Azərbaycanın İstanbuldakı Baş Konsulu Məsim Hacıyev və konsulluğun bəzi əməkdaşları iştirak edib.
Qeyd edək ki, Feyzavər Alpsar Turan uzun müddətdir ki, Alzheimer xəstəliyindən əziyyət çəkirdi. O, ötən gün 101 yaşında vəfat edib.
